प्रभु लाइफ इन्स्योरेन्स लिमिटेडको ६० लाख कित्ता आइपीओ सेयरको बिक्री खुल्ला

 प्रभु लाइफ इन्स्योरेन्स लिमिटेडले २०७७ मंसिर २९ गते देखि ६० करोड रुपैयाँ बराबरको ६० लाख कित्ता आइपीओ सेयरको बिक्री खुल्ला गरेको छ । आइपीओ निष्काशन बन्द छिटोमा पौष २ र ढिलोमा पौष १३ गते हुनेछ ।

कम्पनीले  रु १०० प्रती कित्ताका दरले ५४,००,००० कित्ता सेयर सर्वसाधारणको लागि निष्काशन गरेको छ ।

न्यूनतम १० कित्ता देखि अधिकतम ५००० कित्तासम्म सि–आस्वा सदस्य बैंक तथा वित्तीय संस्था र मेरोसेयर मार्फत आवेदन दिन सकिनेछ।

 सिद्धार्थ क्यापिटल लिमिटेड आईपीओ निष्काशन तथा बिक्री प्रवन्धक रहेको छ ।

कम्पनीको चुक्तापुँजी १ अर्ब ४० करोड रहेको छ । ६० करोडको साधारण शेयर बिक्री गरिसकेपछि कम्पनीको चुक्ता पूँजी २ अर्ब पुग्नेछ ।  कम्पनीले हाल नेपालभरका ९० वटा शाखा कार्यालयहरु मार्फत जिवन वीमा सेवा प्रदान गर्दै आएको छ ।