काठमाडौमै दलित भनेर घरवेटीले कोठा छोड्न दबाव दिए

 २०७६ फाल्गुण१९ 

 रिपोटर्स क्लव नेपालमा दलित भनेर काठमाडौंमा  घरवेटीले  कोठा छोड्न दबाव दिएर जातिय विभेद गरेको भन्दै त्रिवि स्नातकोत्तर तहमा अध्यनरत छात्रा दिपा नेपालीले  पत्रकार सम्मेलन गरेको । 

पत्रकार सम्मेलनमा बोल्दै दिपा नेपालीले भनिन,

म २०७६ मसिर १३ गतेदेखि तार्केश्वर नगरपालिका वडा न १० श्री कृष्ण वियारी  बस्दै अाएकाे थिए । त्यस पछि उहाकाे छाेरीले मेराे परिचय मागे ।हामीले हाम्राे परिचय दियाै। त्यसपछि घरभेटिले मेराे भाइलाई तत्काल घर छाेड्न उहाले भन्नू भयाे।यसकाे कारण भने हामी तल्लाे जाती रहृकाे बताए । 

पुनः मसिर १६ गते हामीलाई तल्लाे जात भनी मेराे भाईलाई घर छाेड भन्नू भयाे । त्यसबेला म मानव अधिकार कार्यक्रममा थिए । मैले याे कुरा मानव अधिकारकाे कार्यक्रममा राखे। त्यसपछि याे कारण हो भने हामी कुरा गर्छाैं भन्ने आश्वासन पाए । त्याे बेला मेराे  परीक्षा चल्न  लागेकाे थियो ।  म आफ्नाे परिक्षाको तयारीमा थिए। अन्य ठाउँमा काेठा खाेज्न गए तर मेराे परिचय खाेल्ने बित्तिकै काेठा पाईएन। काठमाडौ शिक्षित बस्ने ठाँउ भन्छन के यहि हाे शिक्षित ठाउँ ?

हाल म त्यहि घरमा बसेकी छु । तर म नभएको मौका छोपि घरवेटिले मेराे भाईलाई तुरुन्तै छाेडेर जा भनि धम्की दिने गरेका छन। कहिले पानी नदिने , कहिले शौचालयमा पानी बन्द  गर्ने जस्ता कार्य गरिरहेका छन। 

यसकाे बिरुद्धमा म आज बालाजु चाैकीमा  जातिय विवादमा मुद्दा दर्ता गर्न जादैछु। 

उक्त घरमा घरवेटिले मात्र नभई अन्य कोठा बस्नेले  पनि म र मेराे भाइलाई तल्लाे जाती भनी मानसिक तनाव दिईरहेका छन।