साझा पार्टीकी बागमती प्रदेश सभा सदस्य शोभा शाक्यको भत्ता फिर्ता

२०७७कार्तिक२ साझा पार्टीकि बाग्मती प्रदेश शाभा सदस्य शोभा शाक्यले दशैं भत्ता फिर्ता फिर्ता गर्ने निर्णय प्रेस बिज्ञप्ती मार्फत सार्वजनिक गर्नु भएको छ । उहाँले उक्त रकम कोभिड१९ को स्वास्थ्य कोशमा जम्मा गर्न समेत आग्रह गर्नु भएको छ । 

बिज्ञप्तीमा भनिएको छ:

कोभिड १९ को महामारीका कारण देश संकटमा परिरहेको र ठूलाे संख्यामा नागरिक हातमुख जोर्न पनि नसक्ने अवस्थाबाट गुज्रिरहेका बेला जनप्रतिनिधिहरूले दशैँ भत्ता लिनु कुनै पनि दृष्टिकोणबाट उपयुक्त हुँदैन।

मासिक तलब स्वत: खातामा आउने गर्दछ। बागमती प्रदेश सरकारले तलब सँगसँगै दशैँ भत्ता पनि सांसदहरूको खातामा दाखिल गरिसकेको छ।

मेरो खातामा आएको सो रकम मैले फिर्ता गर्ने जानकारी गराउन चाहन्छु। दशैँ खर्च बापतको सो रकम कोभिड १९ को स्वास्थ्य कोषमा दाखिला गर्न समेत हार्दिक अनुरोध गर्दछु।

साथसाथै, सबै सांसदहरूलाई दशैँ भत्ता फिर्ता गर्न र प्रदेश सरकारलाई सबै अनावश्यक खर्च कटौती गरी कोभिड १९ नियन्त्रण र उपचारमा लगाउन पनि आग्रह गर्दछु।